Кітап пен оқу – адам жанының ұлы ұстазы әрі тәрбиешісі. Ғасырлар бойы жазушылар балалар кітаптарына өз бойларындағы ең асыл қасиеттерді – мейірімділік, сүйіспеншілік, даналықты сіңіріп келеді. Мектеп кітапханасы қызметінің негізгі міндеттерінің бірі – оқушылардың оқу мәдениетін қалыптастыру, кітапқа деген сүйіспеншілігін арттыру, оларды әдебиетті жүйелі түрде оқуға баулу арқылы шығармашылық ойлауын, танымдық қызығушылықтары мен қабілеттерін дамыту.
Дәстүрлі түрде Балалар кітабы апталығы мазмұнды әрі жарқын өтті. Мектеп кітапханасында «Ертегілер әлемі», «Демалыста кітап оқимыз» атты кітап көрмелері ұйымдастырылды. Бастауыш сынып оқушылары арасында «Ертегі білгірлері» атты ойын-саяхат қызықты әрі тартымды өтті. Балалар әдеби үстел ойындарына белсене қатысып, көңілді сайыстар мен викториналарға араласты, ертегі кейіпкерлерін танып, жұмбақтар шешті.
Оқырман формулярларын талдау нәтижесінде мектеп кітапханасының ең көп оқитын оқушылары анықталды: Қалымжан Ж. (2 «Ә» сынып), Жұмабек С., Южакова С., Смоляк И. (2 «А» сынып), Ерлан А., Дәуренұлы А. (3 «Ә» сынып), Машикова А. (9 сынып) және басқалар. Балалар көптеген жағымды эмоциялар мен әсерлерге бөленді.
